ORIENTACIÓN 2º BACHARELATO

Aproxímase o fin de curso para o alumnado de 2º de bacharelato e con el o momento de empezar a pensar que facer co teu futuro.

Pronto vas ter que tomar unha decisión pero antes necesitas ter toda a información. A continuación deixoche unha infografía interactiva onde poderás investigar sobre as distintas saídas que tes despois de finalizar este curso.

Pincha nas interrogacións para poder acceder á información.

Pensa que as eleccións que fagas son fundamentais para o teu futuro académico. Para que reflexiones sobre isto deixoche un corto sobre a importancia de tomar decisións.

 E ti, cal dos teus "eu"queres ser? 

A todos nos toca tomar decisións ao longo da nosa vida pero non sempre temos que facelo sos. Así que recorda que tanto o profesorado coma eu estamos á túa disposición para  asesorarte e orientarte.

¡PÉNSAO BEN ANTES DE DECIDIR! e si tes algunha dúbida pregúntame.

orientacion.iesasmarinas@gmail.com

sdanslagoa@edu.xunta.es

 XORNADAS VIRTUAIS DE PORTAS ABERTAS DA UDC

O vindeiro xoves 8 de abril a Universidade da Coruña celebrará unha XORNADA VIRTUAL DE PORTAS ABERTAS, para dar a coñecer ao Futuro Estudante a ampla oferta de titulacións de Grao e a Vida Universitaria https://www.udc.es/gl/futuros_estudantes/portas_abertas/, en horario de 10:00h a 14:00h e de 16:00h a 20:00h, a través de Teams.

Manteranse vídeoconferencias simultáneas en vivo, unha por cada Rama e Coñecemento, seguindo o seguinte esquema:

a. Perfil de ingreso

b. Por que estudar este Grao na UDC

c. Contido da titulación

d. Saídas profesionais

e. Enderezo electrónico de contacto, ao final da presentación, para posteriores consultas sobre a/s titulación/s.

O alumnado poderá:

  *   Conectarse directamente premendo na ligazón que figura ao lado de cada titulación no horario sinalado. Non é necesaria inscripción previa nin ter instalado Teams.

  *   Interactuar cos relatores e aclarar as súas dúbidas

  *   Visitar virtualmente os Centros da UDC: Facultades, Escolas, Residencias, Instalacións deportivas...

  *   Ver os testemuños de alumnado matriculado e egresado

  *   Participar en retos e obradoiros e conseguir agasallos

Haberá vídeoconferencias sobre ABAU e PREINSCRIPCIÓN en horario de mañá e tarde e un PUNTO DE INFORMACIÓN atendido polo persoal do Servizo de Estudantes durante toda a Xornada.

Anímate a participar nesta xornada!

 ENCONTROS VIRTUAIS PARA COÑECER A USC

Durante os días 23, 24 e 25 de marzo a Universidade de Santiago de Compostela ofrece encontros virtuais dirixidos ao alumnado que queira coñecer as súas titulacións.

A través dos encontros o alumnado poderá visitar virtualmente os Campus de Lugo e Santiago, interactuar por videoconferencia cos responsables da titutlación e aclarar as súas dúbidas.

Os horarios son moi variados, así que podes elixir as videoconferencias nas que desexes participar no horario que máis che conveña. Non é necesario inscribirse, tan so é necesario conectarse na hora indicada para participar.

O acceso aos encontros está dispoñible no seguinte enlace:

https://www.usc.gal/gl/encontros-virtuais

COÑECEMOS A ETAPA EDUCATIVA DA ESO 

Se estás finalizando 6º de Educación Primaria e para o próximo curso vas iniciar a secundaria no IES As Mariñas, aquí che deixo unha presentación que che facilitará toda a información necesaria para afrontar con éxito o inicio do curso.  Nalgunhas diapositivas a presentación é interactiva, localiza os iconos e pincha sobre eles para obter máis información.

 

Aquí che deixo un vídeo da explicación da presentación.

Esperámoste!!! 

 Vémonos en 1º!!!

 SOLICITUDE DE PRAZA NO BACHARELATO

Se estás finalizando 4º curso de ESO e para o próximo ano académico queres cursar bacharelato nun centro distinto do teu actual, debes reservar a túa praza do 1 ao 20 de marzo no centro elixido en primeira opción.

Na presentación que che deixo a continuación podes ver a oferta formativa do noso instituto: as modalidades de bacharelato e materias, os ciclos formativos básicos e de grao medio e superior e a educación de adultos. Nalgunha das diapositivas a presentación é interactiva, pincha nos diferentes iconos para máis información sobre as materias de bacharelato por exemplo.

Aquí che deixo un vídeo da explicación da presentación:

Anímate a seguir formándote no noso instituto, porque no IES As Mariñas ... 

TEMOS O TEU FUTURO

 CONVOCADAS AS PROBAS DE ACCESO A CICLOS DE FP DE GRAO MEDIO E SUPERIOR

A Consellería de Educación convoca probas de accesoaos ciclos formativos de grao medio e de grao superior de formación profesional na Orde de 21 de xaneiro de 2021.

PRAZOS DE INSCRIPCIÓN:

Ciclos medios:entre o 15 e o 26 de marzo, ambos os dous incluídos

 

Ciclos superiores:entre o 18 de febreiro e o 3 de marzo , ambos os dous incluídos

REQUISITOS DE INCRIPCIÓN:

Ciclos medios:Non cumprir os requisitos académicos de acceso directo e cumprir 17 anos ou máis no 2021

Ciclos superiores:Non cumprir os requisitos académicos de acceso directo e cumprir 19 anos ou máis no 2021

Consultar posibles exencións e convalidacións na Orde de 21 de xaneiro de 2021

SOLICITUDE DE INSCRIPCIÓN:

As persoas solicitantes poderán cubrir a solicitude de admisión ás probas a través da aplicación informática "Ciclosprobas" , que funcionará como asistente, desde a opción dispoñible na páxina https://www.edu.xunta.gal/ciclosprobas/PaxinaInicio.do. Esta aplicación xera unha instancia para imprimir que se deberá presentar nun centro de inscrición, xunto coa documentación que se indique nesa instancia.

 

DATAS E HORARIOS DA PROBA:

Ciclos de Grao Medio: terán lugar o día 27 de maio de 2021 no horario que se indica:

o   9:00h : Presentación

o   De 09:30 ás 13:00h: parte matemática (matemáticas) e parte sociolingüística (Lingua castelá, Lingua galega e Ciencias sociais)

o   De 16:00 ás 18 horas: parte científico- técnica (Ciencias da natureza e Tecnoloxía)

Ciclos de Grao Superior: terán lugar o día 15 de abril de 2021 no horario que se indica:

o   9:00h: Presentación

o   Das 09:30 ás 13:00h: Parte común (Matemáticas, Lingua galega e Lingua castelá)

o   Das 16:00 ás 18:30h: Parte específica (dúas materias específicas da opción vinculada ao ciclo formativo ao que se desexe acceder, segundo o anexo VII)

§  Opción A: Economía da Empresa, Lingua Estranxeira (inglés ou francés) e Filosofía.

§  Opción B: Debuxo técnico, Tecnoloxía Industrial e Física

§  Opción C: Ciencias da Terra e Ambientais, Química e Bioloxía.

 

NOTA: O día da proba é necesario levar o DNI e a copia da folla da solicitude de inscrición.

ANEXO VII

 

Familias profesionais e ciclos formativos a que se pode acceder
segundo a opción da parte específica da proba de acceso a ciclos formativos
de grao superior

Proba de acceso superada	Familias profesionais e ciclos formativos a que dá acceso
Opción A	Administración e Xestión.
	Comercio e Márketing.
	Hostalaría e Turismo.
	ServizosSocioculturais e á Comunidade.
	Ciclo superior de Produción de Audiovisuais e Espectáculos (da familia profesional de Imaxe e Son).
Opción B	Artes Gráficas.
	Edificación e Obra Civil.
	Electricidade e Electrónica.
	Enerxía e Auga.
	Fabricación Mecánica.
	Industrias Extractivas.
	Informática e Comunicacións.
	Instalación e Mantemento.
	Imaxe e Son (agás o ciclo superior de Produción de Audiovisuais e Espectáculos).
	Madeira, Moble e Cortiza.
	Marítimo-pesqueira (agás o ciclo superior de Acuicultura).
	Transporte e Mantemento de Vehículos.
	Téxtil, Confección e Pel.
	Vidro e Cerámica.
Opción C	Agraria.
	Actividades Físicas e Deportivas.
	ImaxePersoal.
	Industrias Alimentarias.
	Ciclo superior de Acuicultura (da familia profesional Marítimo-Pesqueira).
	Química.
	Seguridade e Ambiente.
	Sanidade.

 

Para máis información podes acudir ao Departamento de Orientación

 UNITOUR CORUÑA

O xoves 14 de xaneiro terá lugar no Palacio de Congresos Palexco (muelle de trasatránticos, A Coruña) o salón de orientación universitaria UNITOUR.

A invitación é para que o alumnado de 2º de bacharelato e as súas familias poidan coñecer toda a oferta de Graos Universitarios tanto nas Universidades públicas como privadas.

Para acceder a UNITOUR debes rexistrarte no seguinte enlace: https://www.unitour.es/inscripcion-online/la-coruna